என் பிரியமானவனே...!

இரண்டாவது முறையும்
காதல் வருமா என்று
ஆச்சர்யப்பட்டு கேட்ட
என்னையே இன்னொருமுறை
காதலிக்க வைத்தவனே...

பார்க்கும் காட்சிகளெல்லாம்
ரசிக்க செய்தாய்
தேவையில்லாமல் தேங்கி
கிடந்த அன்பை உருவி

ஒவ்வொரு வினாடியும்
என் மனப்பரப்பில்
ஏக்கங்களை விதைத்தாய்
என் பிரியமானவனே...

இன்னும் பல எண்ணிலடங்கா
சொல்லத்தெரியாத இன்பத்தில்
யாரும் நுழையமுடியா
அணைப்புடன் நான்..

எத்தனையோ பேர்
பயணிக்கும் பேருந்தில்
உன்னுடன் நானும்
ஒருத்தியாக பயணிக்கிறேன்

யாரோ ஒருவரிடம் பேசி
உறவாகும் பயணிகளின்
மத்தியில் தினமும்
உனை பார்க்கும் நான் மட்டும்

இன்னமும் அந்நியப்பட்டே நிற்கிறேன்..!  

                                                         இதயம் ஓசை எழுப்ப 
                                                             நினைவுகள் கவி பாட
                                                       கண்ணீர் வடிக்கிறேன் 
                                                               உந்தன் பிரிவால்..