Ads 468x60px

..

Thursday, 25 July 2013

                                     நினைவுகள்...



                                                    சுட்டெரிக்கும் சில நாட்கள்
                                                               வெறுமையான
                                                                 பல இரவுகள்
                                                       இவைகளுக்கிடையில்
                                                             சில பல நாட்கள்
                                               மழை தூரலாய் உன் நினைவுகள்...

Friday, 19 July 2013






                       !...ஸ்வரங்கள்..!






               வஞ்சம் கொண்டோர்போல 
          என் மேல் வன்மம் கொண்டாயோ..?
 நானோ உன்னை கம்பிகளுக்குள் சிறைப்பட்ட 
            ஸ்வரங்கள் போல் உணர்கிறேன்..
     சப்தமில்லா ஸ்வரங்கள் என்று தெரிந்தும்
              உன்னுள் சப்தத்தை தேடுகிறேன்..
       எண்ணிலடங்கா ஸ்வரங்களை கேட்டும் 
          புது ஸ்வரங்கள் உன்னில் கேட்கிறேன்..
          ஸ்வரங்களும்,ராகங்களும் சேர்த்து 
                  உன்னில் காண்கிறேன்..
                            மொத்ததில் 
              மௌனத்தில் மயக்கும் சங்கீதம் 
                       உன்னில் கண்டேன்..
                               அதை கேட்ட 
                  குயில்களும்,குருவிகளும் 
         கூனிக்குறுகி தோற்றுப்போகின்றன...









Monday, 8 July 2013

மடல் படித்தேன்..!




காற்றோடு கலந்த காதலை
காற்றாலையை தூதுவிட்ட
உன் அன்பை சுவாசித்த மறு நொடி
அக்காற்றோடு என் அன்பையும்
கலந்து முகம் கானா உன்னை
முத்தமிட்டு மார்போடு அணைக்க
தவிப்போடு வருகிறேன்..

Thursday, 20 June 2013

                                                      உன்னால் என் நிலை... !!




                       எழுதா மனநிலையை தருகின்ற உன்னால்
                            குறையாய் குப்பையாய் கிடைக்கும்
                        என் எழுத்துக்களை எப்படிக்கோர்ப்பேன்?
                      வலிகளும் வழிகளும் நிரம்பிய பாதையில்
                                          எப்படி பயணிப்பேன் ?
                           
                              வலிகளை மறக்கும் வேளையில்
                          சுமைகளை தந்தால் எப்படி சுமப்பேன் ?
                             பெருங்கோபங்களை நான் எப்படி
                                        எழுத்தில் புதைப்பேன் ?
                         
                        இடி இடித்து மிரட்டி  பொழியவைக்கும்
                             மழையைப்போல் நான் ஆனேன்..
                              நான் உட்கொள்ளும் ஆகாரமே
                                   கடும் விஷமாக மாறியதே...
                                 
                                    வலைக்குள் சிக்கிய நான்
                                 இனி மீள்வதே சாபமாகியதே...
                  ஓடியொளிந்து வேட்டையாடும் விலங்கிற்கு
                       உணவாய் இன்று என் நிலை ஆனதே...!!!

Tuesday, 4 June 2013

அது ஒரு வெயில் காலம்...!!




சுள்லென்ற வெயிலில்
நெளிகின்ற கானலில்
காலை நனைத்துக் கொண்டு
நெடுந்தூரம் நடக்கிறேன்

சுற்றியும் வெம்மை 
கருத்த முகத்தில் 
துளிர்த்த வியர்வை
காலில் தார் சாலையின்
அனல் முத்தங்கள்

வழியில் 
நுங்கும் தர்பூஸூம்
வெள்ளரியும் எலுமிச்சைச் சாறும்
மோரும் ஜில் என்ற தண்ணீரும்...

கண்கள் இடுக்கி
கடைவீதி நோக்கி நகர்ந்தேன் 
பசியும் தாகமும் தனிந்ததும் 
ஓய்வெடுக்க கண்கள் இடத்தை தேட 

தூரத்தில் ஒரு மரத்தை கண்டது 
அங்கிருந்து மெல்ல கால்கள் 
மரத்தை நோக்கி நகர்கின்றது 

மரத்தை நெருங்கியதும் 
முதியவர் ஒருவர் 
பழஞ்சோறும் வெங்காயமும்
பசியடக்கிய குளுகுளுப்பில்
ஓய்வெடுப்பதும் 

காக்கை குருவிகள் கூட 
இரை தேடலை மாலைக்கு 
ஒத்தி வைத்து
கூடுகளில் குட்டித் தூக்கம்
போடுவது கண்டதும் 

தலையை நிமிர்த்து 
சூரியனை நோக்கி 
சுழன்று எரிகின்ற சூரியனே
நீயும் கொஞ்சம் ஓய்வெடுக்கலாமே
என்றது மனம்...

Monday, 3 June 2013

என்னுடைய "அது ஒரு வெயில் காலம்" எனும் கவிதைhttp://inandoutchennaifortnightly.blogspot.in/பத்திரிகையில் வெளி வந்துள்ளது படித்து உங்கள் கருத்துக்களை பதியுங்கள்.நன்றி




Friday, 31 May 2013

    பசி

*************


பசி....
ஒவ்வொரு மனிதனின்
சக்திக்கான தேடல்..

உணவு தேடலை ஆரம்பிக்கும் 
போது மனிதன் செயல்ப்பாட்டில் 
பல மாற்றங்கள்..

பிடித்த உணவு ,
சத்தான உணவு ,
ஆடம்பர உணவு , 

பல உணவுகளில் 
ஒரு உணவுக்கான 
தேர்வு...

இந்த தேர்வு 
பணமுள்ளவனிடம் 
மட்டும் சாத்தியமாகும் ..

ஒரு வேளை உணவிற்குத்
தவமிருப்பவர்களின்
வாழ்க்கையோ ??? 

கேள்விக்குறியாக...!

பசி பட்டினியால் 
அவல சாவை 
தழுவிக்கொள்ளும் மக்கள் 

உலகின் ஒரு மூலையில் 
இன்றும் வாழ்ந்துகொண்டு 
தான் இருக்கிறார்கள் ..

பசிப்பிணி என்ற பாவி 
பிடித்துகொண்டு 
வாழ்வின் வேரருக்கின்றது...

உன்ன உணவின்றி மறித்து 
போகும் இந்த உன்னத வரம் 
அழிந்து போகட்டும்...

இன்றைய சூழ்நிலையில் 
மனிதர்களே மனித இனத்தை 
காக்கவேண்டும் ...

நம் மனித இனத்துக்கு 
உயிர்த்துளி வழங்குவோம் 
மாற்றலாம் உலகத்தை...

--------------------------------------------------------------------------------

Saturday, 18 May 2013


                                                  
                                                    
                                                       மௌனத்தை விதையாக்கி...
                                                              மூச்சை வேராக்கி..
                                                           சுவாசிக்க காற்று தேடி...
                                                          கண்களை சிலையாக்கி...
                                                            நிலவை தரையிறக்கி..
                                                          காதலோடு இசைந்தாடி...
                                                           தேன் எடுக்க தீ மூட்டி..
                                                     மூச்சடைக்க முகம் மறைத்து...
                                                         சிறைக்குள் சிறுகச் சிறுக
                                                                  சிறைப்படுத்தி...
                                                           பாலூறிய நிலம் போல்
                                                        பசியாற்றிய...உனக்கொரு
                                                            கவி பாடாமல் என்
                                                      பெண்மை நிறைவுறுமோ..!

Tuesday, 14 May 2013

                                                                   பிச்சை..?!



                                  பிச்சை எடுப்பவர்களில் அதிக பரிதாபமும்
                                      எரிச்சலும் உண்டாவது சிறுவர்களாலே
                      அய்யா,அம்மா என்று  அழும் முகத்துடன் கரம் நீட்டியபடி
                          சின்னஞ் சிறு சிட்டுக்கள் படிக்க வேண்டிய வயதில்
                              ஏன் பிச்சை கரங்கள் நீட்ட வேண்டும் இவர்கள் ?
                          உயர்கல்வி படிக்க இச்சை இருக்காதா இவர்களுக்கு ?
                                   கந்தக மூச்சோடு ஆசை கனவோடு வாழும்
                                      இவர்கள் பிச்சை எடுக்க யாரிட்ட சாபம்..?
                            சிறகுகள் கிழிகப்பட்ட வண்ணத்துப்பூச்சிகள் போல்
                                                   இன்று இவர்களின் நிலை...!!!              

Saturday, 4 May 2013

சிசுவை கொல்வது சரிதானா ?

************************************



தாய்மை என்பது ஒவ்வொரு
பெண்ணுக்கும் ஏற்படும்
ஓர் அற்புதமான அனுபவம்.
இதை உனரா சிலர் சிசுவை
அழிப்பது சரியா ?

தன் தாயானவள்
தன்னை அன்பால் அனைப்பால்
கன்னத்தில் முத்தமிடுவாள்
எனக் காத்திருந்த சிசுவின்
ஆசை நிராகரிப்பது சரியா ?

எத்தனையோ குற்றவாளிகள்
இப்பூமியில் இருக்க
செய்யாத குற்றத்திற்கு
பூமிக்குவரா சிசுவிற்கு
தண்டனை எதற்கு ?

சில நிமிட ஆசைக்கு
காதல் என்ற பெயரில்
ரகசிய கருவில் உருவான
பச்சிளம் பூக்களை நாளைய
வீரர்களை கவிஞர்களை

கள்ளிப்பால் கொடுத்தும்
வித விதமான கலர் கலரான
மாத்திரைகள் உண்டும்
கலைக்கப்படுவது சரியா ?
கலைக்கப்படுவது நியாயமா ?

கருக்கலைப்பே கூடாது
அது ஓர் உயிர் பாவம்
எத்தனையோ பேர்
குழந்தை வரம் கிடைக்காமல்
குழந்தை தொட்டில் மட்டுமே
பார்த்து அழுதுகொண்டும்

பார்பவர்கள் எல்லாம் ஏதேனும்
விசேஷம் உண்டா என்று
கேட்கும் பொழுது
பதில் சொல்ல முடியாமல்
தவிக்கும் அப்பெண்ணின்
மனம் நீ அறிவாயா ??????



என் வாழ்க்கை பயணம்....!!




வார்த்தைகள் இல்லாமல் 
பேசிக்கொண்டிருகின்றேன்..
கண்கள் இல்லாமல் 
ரசித்துக்கொண்டிருக்கின்றேன்..
சுவாசம் இல்லாமல் 
சுவாசித்துக்கொண்டிருக்கின்றேன்..

வாழ்வில் எண்ணில் அடங்கா 
சிறு சிறு ஆசைகளை எண்ணி எண்ணி 
மண்ணில் புதைத்தும் விட்டேன்...
இரக்கமில்லாமல் மனதை குத்தி 
செல்லும் மனிதர்களின் மனம் அறிந்து 
மனம் உடைந்தும் போனேன்...

வாழ்க்கையின் பயணத்தில்
தடம் பதிந்து நடக்கையிலே
உதயமாகின்ற ஓராயிரம் உறவுகள்
பற்றி சிந்திக்கும் வேளையில் பயண உறவுகள் 
மறைந்து போவதும் தெரிந்துகொண்டேன்...

ஒவ்வொரு உறவும் ஒவ்வொரு பாதையில் 
எப்பாதை எனக்குரியது என்று "தடு"மாறி 
"தடம்"மாறி எங்கு பயணிக்கின்றேன் 
என்று தெரியாமல் என் பயணம் தொடர்கிறது....

Tuesday, 12 March 2013

எனதன்பு தோழியடி நீ .....


என்றோ யாரோ என்று அறிமுகபடுத்தி
இன்னார் என்று அறிமுகமானவளே
இன்று தோழியடி நீ எனக்கு
உரிமையுடன் உரையாடுகிறேன்
நீ என் தோழி என்பதால்
என்னை சுற்றி இன்பமழை பொழிகிறது
காரணம் என் தோழி நீ என்பதால்
தேவதைகள் மண்ணில் பிறந்தாலும்
யாருக்கும் தெரிவதில்லை என்கிறார்கள்
இருந்தும் என் கண்ணிற்கு தெரிவது
மட்டுமில்லாமல் என் தோழியாய்
என்னுடன் பயணிப்பவளே நீ ................!!

Wednesday, 19 December 2012

பயணிக்கும் நம் நட்பு............!!

உறவே இல்லாமல் வந்த நாம் நட்பெனும் 
உறவை பிறப்பித்தோம்.
இந்த உலகின் சக்தி வாய்ந்த 
அம்சங்களில் ஒன்று நம் நட்பு.
எண்ணங்கள் ஒன்றானதால் எதிர்பார்ப்பு 
ஏதுமின்றி உருவானது நம் நட்பு.
கூடிப் பழகாவிட்டாலும் மனதால்
ஒன்றுபடுவதே உண்மையான நட்பு.
இனியும் தொடருவோம் உறவு என்ற 
மூன்றெழுத்தில் நம் நட்பு பயணத்தை ...

Friday, 30 November 2012

பாதிக்கப்பட்ட பெண்ணின் குரல் ...



ஒருவனை விரும்பி இருந்தால்
சீதையாக வாழ்ந்திருப்பேன் ...
பலரை விரும்பியதால்
சிதைக்கப்பட்டேன் ...

உறவுகளும் ஏற்கவில்லை...
விரும்பித்தொட்டவனும் ஏற்கவில்லை...

பண்பாடு கலாச்சாரம் என்பது
வார்த்தையில் மட்டுமில்லாமல்
வாழ்க்கையிலும் இருந்திருந்தால்
பாவப்பட்ட நோய் தாக்கி இருக்காது ....?!

Thursday, 22 November 2012

ஏக்கம் ....!!



இறைவனிடம் பாசத்தை கேட்டேன்
உன்னை எனக்கு அறிமுகப்படுத்தினான்
பாசத்தை கடைசி வரைக்கும் அனுபவிக்க
உன்னை காதலித்தேன் அதை
உன்னிடம் மறைத்து வைத்தேன்
காதல் கவிதை எல்லாம் தனியே
புலம்பி வைத்தேன் கனவின் தொல்லை
என்று உறக்கத்தை விட்டேன்
நாளை உன்னை பார்க்க துடிக்கும்
என் மனதின் வேதனை அறியாமல்
இரவு இரவெல்லாம் விடியாமல்
நீண்டுகொண்டே இருக்கிறது....!?

Thursday, 4 October 2012

உன் நினைவில்...



உன் நினைவில்
இளமை என்னும் இன்பத்தில்
காதல் என்னும் கடலினில் மூழ்கி
தினம் தினம் இறக்கிறேன் நானடா ..

Tuesday, 2 October 2012

நினைவை விட்டு சென்ற கனவு ..


நினைவை விட்டு சென்ற கனவு 
ஏனோ மீண்டும் வந்தது ...
நீ கனவில் வந்தால் கண்விழிக்க 
மறுப்பேன் என்று தெரிந்தும் 
மீண்டும் ஒரு முறை வந்து... 
நீ எனக்குள் இருக்கும் உயிருள்ள 
அதிசயம் எனக்கண்டு ஆசையாக
கட்டி அனைத்து சென்றாயே ..!!!
நேற்றைய கனவுகள் சுமந்து
இன்றைய நாட்களை கடக்கிறேன் நான் ..

Wednesday, 26 September 2012

என் போராட்டம் ..!!



மனதில் இருக்கும் சோகங்கலை பகிர்ந்துகொல்ல
எவரும் இல்லாமல் தனிமரம் போல்
தினமும் கனவுகளோடு போராடுகிறேன்
உன்னோடு வாழ ஆசைப்பட்டதால் ...


Wednesday, 5 September 2012

மருந்தில்லா நோய் ....


வாழ்க்கையில் சந்தேகம் 
வாழ்வதில் சஞ்சலம்.
நொடிபொழுதில் வந்த 
சந்தேகத்தால் நாள் கணக்கில் 
தொடர்ந்து மனக்கணக்கில்
விளையாடிக்கொண்டிருக்கின்றது
நிகரற்ற அன்பினாலும்
அளவற்ற காதலினாலும்
உருவானது உன் சந்தேகம்
நீ சந்தேகத்தை தொட்டுவிட்டதால்
நான் என் சந்தோஷத்தை விட்டு விட்டேன் ...! 

Tuesday, 21 August 2012

என் விழிகள்..



ஆயிரம் உறவுகள் அருகில் இருந்தாலும்
என் விழிகள் உன்னை தேடுதே....
அந்த நேரம் உன்னை கண்டு விட்டல்
மனமும் என்னை விட்டு பிரிந்து போகுதே ...